অসম চৰকাৰলৈ আৰণ্যকে আগবঢ়ালে এক লাখ

ডিজিটেল সংবাদ, গুৱাহাটীঃ ৰাজ্যৰ অগ্ৰণী বেচৰকাৰী অনুষ্ঠান, আৰণ্যকৰ পৰা অসম চৰকাৰৰ আৰোগ্যনিধিৰ পুঁজিলৈ এক লাখ টকা প্ৰদান কৰা হৈছে। প্ৰকৃতি পৰিবেশৰ সংৰক্ষণ-ৰক্ষণাবেক্ষণৰ লগত বিগত তিনি দশক ধৰি নিৰৱচ্ছিন্নভাৱে জড়িত আৰণ্যকে কোভিড-১৯ মহামাৰীৰ বিৰুদ্ধে চলা সংগ্ৰামখনলৈ এই বৰঙণি আগবঢ়াইছে।

উল্লেখ্য যে, আৰণ্যকে কোভিড-১৯ৰ জনসজাগতা সৃষ্টিৰ উদ্দেশ্যে নিজাববীয়াকৈ ভিন্ন পদক্ষেপ লোৱাৰ উপৰি অসম চৰকাৰৰ বিজ্ঞান প্ৰযুক্তিবিদ্যা বিভাগ, অসম বিজ্ঞান প্ৰযুক্তিবিদ্যা আৰু পৰিবেশ পৰিষদৰ লগত যুটীয়াভাৱেও পদক্ষেপ লৈছে। তদুপৰি স্থানীয় জনসাধাৰণক জড়িত কৰি বিভাগীয় নিৰ্ধাৰিত নিৰ্দেশনা অনুসৰি কাপোৰৰ মাস্ক প্ৰস্তুত কৰি বৰ্তমানলৈকে পবিতৰা অভয়াৰণ্যৰ বনকৰ্মীৰ মাজত ১৬০ খন, বোকাখাত উন্নয়ন খণ্ডত ৩৫০ খন বিতৰণ কৰাৰ লগতে মানাহৰ বাবে ৫০০ মাক্স বিতৰণৰ বাবে প্ৰস্তুত কৰিছে।

The post অসম চৰকাৰলৈ আৰণ্যকে আগবঢ়ালে এক লাখ appeared first on Asomiya Pratidin - অসমীয়া প্ৰতিদিন | Highest Circulated Assamese News Paper & News Portal.

from Asomiya Pratidin – অসমীয়া প্ৰতিদিন | Highest Circulated Assamese News Paper & News Portal https://ift.tt/2x9DC1L
via IFTTT