গোলাঘাটত প্ৰথম পৰ্যায়ৰ ভোটগ্ৰহণ আৰম্ভ; পুৱা ৬ বজাৰ পৰাই ভোটকেন্দ্ৰসমূহত দীঘলীয়া শাৰী

ক’ভিড -১৯ৰ স্বাস্থ্যবিধি মানি গোলাঘাটত আৰম্ভ হল প্ৰথম পৰ্যায়ৰ ভোটগ্ৰহণ। এইবাৰ গোলাঘাট আৰু খুমটাই সমষ্টিত ৩৭ টাকৈ ভোটগ্ৰহণ কেন্দ্ৰৰ সংযোজন ঘটোৱা হৈছে।

সমষ্টি দুটাত সৰ্বমুঠ ভোটগ্ৰহণ কেন্দ্ৰৰ সংখ্যা হৈছে ৪৮৬ টা। ইয়াৰে গোলাঘাট সমষ্টিত ২৮৮ টা আৰু খুমটাই সমষ্টিত১৯৮ টা ভোটগ্ৰহণ কেন্দ্ৰত চৰকাৰী নিৰ্দেশ অনুযায়ী পুৱা ৭ বজাৰ পৰা আৰম্ভ হৈছে ভোটাধিকাৰ প্ৰক্ৰিয়া।

পুৱা ৬ বজাৰ পৰাই ভোটকেন্দ্ৰ সমূহত দীঘলীয়া শাৰী দেখা পোৱা গৈছে। ক’ভিডৰ সম্পূৰ্ণ নীতি পালন কৰি ভোটাৰসকলে মাস্ক পিন্ধাৰ লগতে  প্ৰশাসনৰ ফালৰ পৰা চেনিটাইজাৰ, গ্লোভছ আৰু শৰীৰৰ উত্তাপ পৰীক্ষা কৰা দেখা গৈছে।

ইয়াৰ মাজতে আজি খুমটাই সমষ্টিত খুমটাইৰ বিজেপি প্ৰাৰ্থী মৃনাল শইকীয়াই  পত্নীসহ মেলামৰা হাইস্কুলত নিজৰ ভোটাধিকাৰ সাব্যস্ত কৰে।

একেদৰে ৯৫ নং গোলাঘাট বিধানসভা সমষ্টিৰ বিজেপি মিত্ৰজোঁটৰ প্ৰাৰ্থী অজন্তা নেওগে পুৱা ৮ বজাত নিজৰ ভোটাধিকাৰ সাব্যস্ত কৰে।

গোলাঘাটৰ ১২২ নং ফেচুৱাল মক্তৱ প্ৰাথমিক বিদ্যালয়ৰ ভোটকন্দ্ৰত ভোটদান কৰে বিজেপিৰ প্ৰাৰ্থী গৰাকীয়ে।

ভোটাধিকাৰ সাব্যস্ত কৰি নেওগে সাংবাদিকৰ সৈতে হোৱা সাক্ষাতত খিলঞ্জীয়াৰ সতে ভোট প্ৰদান কৰা বুলি উল্লেখ কৰাৰ লগতে খুমটাইৰ বিধায়ক মৃনাল শইকীয়াই খুমটাইবাসীক নিজৰ ভোটাধিকাৰ সাব্যস্ত কৰিবলৈ আহ্বান জনায়।

The post গোলাঘাটত প্ৰথম পৰ্যায়ৰ ভোটগ্ৰহণ আৰম্ভ; পুৱা ৬ বজাৰ পৰাই ভোটকেন্দ্ৰসমূহত দীঘলীয়া শাৰী appeared first on NORTHEAST NOW (Assamese).

from NORTHEAST NOW (Assamese) https://ift.tt/39kFnsL
via IFTTT