প্ৰবাসী দম্পত্তিৰ বদান্যতা, বিহাৰ-ঝাৰখণ্ডৰ চিকিৎসাসেৱাৰ বাবে প্ৰদান কৰিলে ১ কোটি টকা

আমেৰিকা যুক্তৰাষ্ট্ৰত বাস কৰা এটা প্ৰবাসী ভাৰতীয় দম্পতিয়ে নিজৰ বদান্যতাৰ বাবে বাতৰিৰ শিৰোনামা দখল কৰিছে।

দম্পতিটোৱে বিহাৰ আৰু ঝাড়খণ্ডৰ স্বাস্থ্যখণ্ডলৈ ১ কোটি টকা প্ৰদান কৰিছে।

সোমবাৰে উত্তৰ আমেৰিকাৰ বিহাৰ ঝাৰখণ্ড এচ’ছিয়েচনে ((BJANA)) এই কথা জানিবলৈ দিছে।

স্বামী ৰমেশ ভাটিয়া আৰু পত্নী কল্পনা ভাটিয়াই টকাখিনি বিহাৰ ঝাৰখণ্ড এচ’ছিয়েচনক দম্পত্তিটোৰ পৰিয়ালৰ ন্যাসৰ তৰফৰ পৰা প্ৰদান কৰিছে।

উক্ত টকাকিনি বিহাৰ ঝাৰখণ্ড এচ’ছিয়েচনে গ্ৰাম্যাঞ্চলৰ চিকিৎসা সেৱা আৰু তেওঁলাকৰ প্ৰাণ-বিজেএএনএ (PRAN-BJANA) আঁচনিৰ দ্বাৰা প্ৰয়োগ কৰিব।

উল্লেখযোগ্য যে ‘দা প্ৰৱাসী আলুমনি নিচ্ছুল্ক’ (The Pravasi Alumni Nisshulk, চমুকৈ PRAN) হৈছে আমেৰিকা প্ৰবাসী ভাৰতীয় চিকিৎসকলে গঠন কৰা এটা আঁচনি, যাৰ দ্বাৰা বিহাৰ আৰু ঝাৰখণ্ডৰ পাছ পৰা লোকসকলে বিনামূলীয়াকৈ চিকিৎসা সেৱা লাভ কৰিব পাৰে।

ঝাৰখণ্ডৰ ৰাজধানী ৰাঁচিত এই আঁচনিৰ এখন ক্লিনিকো তেওঁলোকে স্থাপন কৰিছে।

The post প্ৰবাসী দম্পত্তিৰ বদান্যতা, বিহাৰ-ঝাৰখণ্ডৰ চিকিৎসাসেৱাৰ বাবে প্ৰদান কৰিলে ১ কোটি টকা appeared first on NORTHEAST NOW (Assamese).

from NORTHEAST NOW (Assamese) https://ift.tt/2QEWOxJ
via IFTTT