মহানগৰীত ডাম্পাৰৰ দৌৰাত্ম্য; প্ৰাণ গ’ল কৰ্তব্যৰত যান-বাহন আৰক্ষীৰ

গুৱাহাটীত ডাম্পাৰৰ পুনৰ দৌৰাত্ম্য। ডাম্পাৰৰ খুন্দাত প্ৰাণ গ’ল এগৰাকী কৰ্তব্যৰত যান বাহন আৰক্ষীৰ।

মহানগৰীৰ  ৩৭ নং ৰাষ্ট্ৰীয় ঘাইপথৰ বশিষ্ঠ চাৰিআলিৰ সমীপৰ ওজা হুণ্ডাইৰ সন্মুখত নিশা এক ভয়ংকৰ পথ দুৰ্ঘটনা হয়।

দুৰ্ঘটনাটোত থিতাতে নিহত হয় বশিষ্ঠ থানাৰ যান-বাহন আৰক্ষীৰ এগৰাকী জোৱান।

নিহত জোৱান জনৰ নাম মিন্টু দাস।

কৰ্তব্য সম্পাদনা কৰি  সাতগাওঁৰ নিজ ঘৰলৈ গৈ থকা অৱস্থাত তীব্ৰ বেগী ডাম্পাৰে মহটিয়াই লৈ যায় মিন্টু দাসক।

দুৰ্ঘটনা সংঘটিত কৰি ডাম্পাৰখনে পলায়নৰ চেষ্টা কৰে যদিও বশিষ্ঠ আৰক্ষীয়ে খেদি খেদি জব্দ কৰে ডাম্পাৰখন।

নিশা প্ৰায় ১০ বজাত সংঘটিত হয় এই পথ দুৰ্ঘটনাটো।

দুৰ্ঘটনা সংঘটিত কৰা ডাম্পাৰখন নম্বৰ AS 01BC 6973  আছিল যদিও বৰ্তমানলৈকে ইয়াৰ গৰাকীৰ নাম জানিব পৰা নাই।

আনহাতে, বৰ্তমানলৈকে পলাতক ডাম্পাৰখনৰ চালক-হেণ্ডিমেন।

নিহত মিন্টু দাসে AS 01EB 1237 নম্বৰৰ KTM বাইকৰে নিজ বাসগৃহলৈ গৈ আছিল।

The post মহানগৰীত ডাম্পাৰৰ দৌৰাত্ম্য; প্ৰাণ গ’ল কৰ্তব্যৰত যান-বাহন আৰক্ষীৰ appeared first on NORTHEAST NOW (Assamese).

from NORTHEAST NOW (Assamese) https://ift.tt/39iWg84
via IFTTT