ISL : আজি কেৰালা ব্লাষ্টাৰ্ছৰ বিৰুদ্ধে নামিব নৰ্থ-ইষ্ট য়ুনাইটেড

চলিত হিৰো ইণ্ডিয়ান ছুপাৰ লীগ(আই এছ এল)ত আজি গোৱাৰ জি এম চি ষ্টেডিয়ামত কেৰালা ব্লাষ্ট্ৰাৰ্ছৰ বিৰুদ্ধে অৱতীৰ্ণ হ’ব নৰ্থ-ইষ্ট ইউনাইটেড।

নৰ্থ-ইষ্টে প্ৰতিযোগিতাৰ আৰম্ভণি মেচখনত শক্তিশালী মু্ম্বাই চিটি এফ চিক পৰাস্ত কৰিছিল।

জয়ৰ ধাৰা অব্যাহত ৰখা লক্ষ্যৰে আজি খেলপথাৰত নামিব বুলি য়ুনাইটেডৰ প্ৰশিক্ষক জেৰাৰ্ড নাছে জানিবলৈ দিয়ে।

ইফালে পৰিসংখ্যাৰ দিশৰ পৰাও নৰ্থ-ইষ্ট য়ুনাইটেড কেৰালা ব্লাষ্টাৰ্ছৰ তুলনাত যথেষ্ট সন্তোষজনক স্থিতিত আছে।

শেহতীয়াকৈ দুয়োটা দলৰ মুখামুখিত চাৰি বাৰেই অপৰাজিত হৈ আছে নৰ্থ-ইষ্ট য়ুনাইটেড।

আজিৰ মেচখনত লৈ নৰ্ছ-ইষ্টৰ প্ৰশিক্ষক নাছে কয়, ‘আই এছ এলৰ অন্যতম শক্তিশালী দল কেৰালাৰ বিৰুদ্ধে খেলাটো খুব সহজ নহয়। সেয়ে এইখন এখন প্ৰতিদ্বন্দ্বিতাপূৰ্ণ মেচ হ’ব’।

ইফালে প্ৰথমখন মেচত এ টি কে মোহনবাগানৰ বিৰুদ্ধে পৰাস্ত হোৱা কেৰালা ব্লাষ্ট্ৰাৰ্ছৰ বাবে আজিৰ মেচখন হ’ব অত্যন্ত গুৰুত্বপূ্‌ৰ্ণ।

ব্লাষ্ট্ৰাৰ্ছে সম্পূৰ্ণ পইণ্ট অৰ্জনৰ লক্ষ্যৰে খেলপথাৰত নামিব বুলি স্পষ্ট ৰূপত জনাইছে কিবু ভিচুনাৰে।

The post ISL : আজি কেৰালা ব্লাষ্টাৰ্ছৰ বিৰুদ্ধে নামিব নৰ্থ-ইষ্ট য়ুনাইটেড appeared first on NORTHEAST NOW (Assamese).

from NORTHEAST NOW (Assamese) https://ift.tt/3l9JPxH
via IFTTT