কৰ’নাত আক্ৰান্ত ২,৫০০ শ্ৰমিক; বন্ধ বিশ্বৰ বৃহত্তম পিপিই কিট-গ্ল’ভছ নিৰ্মাণ কোম্পানীৰ উৎপাদন

কৰ’নাৰ ব্যাপক সংক্ৰমণৰ ফলত এইবাৰ বন্ধ হৈ পৰিল বিশ্বৰ বৃহত্তম পিপিই কিট তথা গ্ল’ভছ নিৰ্মাণ কাৰখানা।

কৰ’নাৰ সংক্ৰমণে বিস্তাৰ লাভ কৰাৰ আৰম্ভণিৰে পৰা বিশ্বৰ প্ৰথম শাৰীৰ কৰ’না যোদ্ধাসকলৰ বাবে পিপিই কিট তথা গ্ল’ভছ সৰবৰাহ কৰি আহিছে মালয়েছিয়াৰ কোম্পানীটোৱে।

বাতৰি অনুসৰি, এই কোম্পানীৰ প্ৰায় ২৫,০০কৰ্মচাৰী কৰ’নাত আক্ৰান্ত হৈছে আৰু সকলোৱে কোৱাৰেন্টাইনত আছে।

এইদৰে একেই সময়তে ইমান কৰ্মচাৰী কৰ’নাত আক্ৰান্ত হোৱাত সংক্ৰমণ ৰোধ কৰিবলৈ তৎকালীনভাৱে কাৰাখানা বন্ধ কৰি ৰখাৰ সিদ্ধান্ত লৈছে কোম্পানীটোৱে।

মলয়েছিয়াৰ স্বাস্থ্য মন্ত্ৰ্যালয়ে বৃহস্পতিবাৰে এই কথা জানিবলৈ দিয়ে। চৰকাৰে দিয়া বিবৃতি অনুসৰি দেশখনত বৰ্তমান নতুনকৈ ১,১৫১জন লোক কৰ’নাত আক্ৰান্ত হৈছে। ইয়াৰ ভিতৰত শ্ৰমিক কিমান আছে সেই তথ্য অৱশ্যে দাঙি ধৰা নাই।

কিন্তু সংক্ৰমণ ৰোধ কৰিবলৈ তথা কাৰখানাৰ আন শ্ৰমিকসকলৰ সুৰক্ষাৰ কথা মনত ৰাখি এতিয়া তেওঁলোকৰ ২৮ টা কাৰখানাতেই পিপিই কিট আৰু গ্ল’ভছৰ উৎপাদন বন্ধ ৰখা হৈছে।

বাতৰি অনুসৰি, কৰ’না আক্ৰান্ত শ্ৰমিকসকলক কাৰখানাৰ কাষতে এখন হোটেলত কোৱাৰেন্টাইন কৰি ৰখা হৈছে। ক’ভিড বিধি অনুসৰণ কৰি হোটেলখনক সম্পূৰ্ণ কন্টেইমেন্ট জ’ন হিচাপে ঘোষণা কৰা হৈছে।

The post কৰ’নাত আক্ৰান্ত ২,৫০০ শ্ৰমিক; বন্ধ বিশ্বৰ বৃহত্তম পিপিই কিট-গ্ল’ভছ নিৰ্মাণ কোম্পানীৰ উৎপাদন appeared first on NORTHEAST NOW (Assamese).

from NORTHEAST NOW (Assamese) https://ift.tt/3fFaEJ9
via IFTTT