শ্বুটিঙৰ সময়তে কাৰ্গিলত ব্ৰেইন ষ্ট্ৰোক ‘আশিকি’ খ্যাত অভিনেতা ৰাহুল ৰয়ৰ, বিশেষ বিমানেৰে আনি মুম্বাইত চিকিৎসাধীন

বলীউডৰ এসময়ৰ ছুপাৰ হিট ছবি আশিকিৰ অভিনেতা ৰাহুল ৰয় গুৰুতৰ ভাবে অসুস্থ হৈ পৰিছে।

সুউচ্চ কাৰ্গিলত এখন ছবিৰ শ্বুটিং চলি থকাৰ সময়তে অভিনেতা গৰাকী ব্ৰেইন ষ্ট্ৰোকত আক্ৰান্ত হয়। লগে লগে তেওঁ মাটিত ঢলি পৰে।

গুৰুতৰ ভাবে অসুস্থ হৈ পৰা ৰাহুল ৰয়ক প্ৰথমে শ্ৰীনগৰলৈ আনি চিকিৎসাধীন কৰোৱা হয় যদিও স্বাস্থ্যৰ অৱস্থা অধিক গুৰুতৰ হৈ পৰাত তেওঁক বিশেষ বিমানেৰে মুম্বাইলৈ অনা হয় আৰু মুম্বাইৰ নানাৱতী চিকিৎসালয়ত ভৰ্তি কৰোৱা হয়।

বৰ্তমান চিকিৎসালয় খনৰ আইচিএউত অভিনেতা গৰাকীয়ে জীৱন-মৃত্যুৰ সৈতে যুঁজি আছে।

লাডাখ সংকটৰ পটভূমিত নিৰ্মাণ কৰি থকা এলএচি:লিভ দ্য বেটেল ছবি খনৰ শ্বুটিঙৰ বাবে অভিনেতা গৰাকীয়ে কাৰ্গিললৈ গৈছিল।

কাৰ্গিলৰ অত্যধিক শীত সহ্য কৰিব নোৱাৰিয়েই তেওঁ ব্ৰেইন ষ্ট্ৰোকত আক্ৰান্ত হয় বুলি ধাৰণা কৰা হৈছে।১৯৯০ চনত আশিকি ছবি খনৰ জৰিয়তে নিশাটোৰ ভিতৰতে চুপাৰষ্টাৰত পৰিণত হোৱা ৫২ বছৰীয়া ৰাহুল ৰয়ে পৰৱৰ্তী সময়ত গেম, নচিব, ফিৰ কভি আদি ছবিত অভিলয় কৰিছিল।

আশিকি ছবি খনে ভাগ্যৰ দুৱাৰ খুলি দিয়া ৰাহুল ৰয় অসুস্থ হৈ পৰাৰ বাতৰি প্ৰচাৰ হোৱাৰ পিছতে বলীউডত দুখৰ ছাঁ পৰিছে। সকলোৱে অভিনেতাগৰাকীৰ আশু আৰোগ্য কামনা কৰি ভগৱানক প্ৰাৰ্থনা জনাইছে।

নীতিন কুমাৰ গুপ্তম পৰিচালিত এলএচি:লিভ দ্য বেটেল ছবিখন ৰাহুল ৰয়ে মুখ্য চৰিত্ৰত অভিনয়ৰ বাবে চুক্তিৱদ্ধ হৈছিল।

জানিব পৰা মতে এতিয়াও অভিনেতা গৰাকীঅজ্ঞান অৱস্থাতে আছে আৰু চিকিৎসকে তেওঁক সুস্থ কৰি তোলাৰ বাবে আপ্ৰাণ চেষ্টা চলাই গৈছে।

The post শ্বুটিঙৰ সময়তে কাৰ্গিলত ব্ৰেইন ষ্ট্ৰোক ‘আশিকি’ খ্যাত অভিনেতা ৰাহুল ৰয়ৰ, বিশেষ বিমানেৰে আনি মুম্বাইত চিকিৎসাধীন appeared first on NORTHEAST NOW (Assamese).

from NORTHEAST NOW (Assamese) https://ift.tt/2Jqveke
via IFTTT