কেন্দ্ৰৰ হস্তক্ষেপ! আলোচনাৰ মাজেৰে সীমা বিবাদ নিষ্পত্তি কৰিবলৈ সন্মত অসম আৰু মিজোৰাম

অসম আৰু মিজোৰামে আলোচনাৰ মাজেৰে আন্ত:ৰাজ্যিক সীমা সমস্যা সমাধান কৰিবলৈ সন্মত হৈছে।

দেওবাৰে মিজোৰামৰ মুখ্যমন্ত্ৰী জোৰামথাংগাই এই কথা জানিবলৈ দিছে।

কেন্দ্ৰীয় গৃহমন্ত্ৰী অমিত শ্বাহ, অসমৰ মুখ্যমন্ত্ৰী হিমন্ত বিশ্ব শৰ্মা আৰু মিজোৰামৰ মুখ্যমন্ত্ৰী জোৰামথাংগাৰ মাজত হোৱা টেলিফোনিক বাৰ্তালাপৰ পাছতে এই সিদ্ধান্ত গ্ৰহণ কৰা হৈছে।

‘’কেন্দ্ৰীয় গৃহমন্ত্ৰী অমিত শ্বাহ আৰু অসমৰ মুখ্যমন্ত্ৰী হিমন্ত বিশ্ব শৰ্মাৰ সৈতে এক টেলিফোনিক আলোচনাৰ পাছত আমি মিজোৰাম-অসম সীমান্তৰ বিষয়টো সৌহাৰ্দ্যপূৰ্ণভাৱে সন্তোষজনক আলোচনাৰ জৰিয়তে সমাধান কৰিবলৈ সনন্মত হও,’’-মিজোৰামৰ মুখ্যমন্ত্ৰী জোৰামথাংগাই কয়।

জোৰামথাংগাই লগতে মিজোৰামৰ জনসাধাৰণক ছচিয়েল মিডিয়াত ‘স্পৰ্শকাতৰ মেচেজ’ প’ষ্ট নকৰিবলৈকো আহ্বান জনাইছে।

‘’… পৰিস্থিতিৰ কোনো সম্ভাৱ্য উত্তেজনা প্ৰতিৰোধৰ প্ৰতি লক্ষ্য ৰাখি, মই মিজোৰামৰ জনসাধাৰণক তেওঁলোকৰ ছচিয়েল মিডিয়া প্লেটফৰ্মত স্পৰ্শকাতৰ মেচেজ প’ষ্ট কৰাটো পৰিহাৰ কৰিবলৈ অনুৰোধ জনাইছো,’’- মুখ্যমন্ত্ৰী জোৰামথাংগাই কয়।

 

The post কেন্দ্ৰৰ হস্তক্ষেপ! আলোচনাৰ মাজেৰে সীমা বিবাদ নিষ্পত্তি কৰিবলৈ সন্মত অসম আৰু মিজোৰাম appeared first on NORTHEAST NOW (Assamese).

from NORTHEAST NOW (Assamese) https://ift.tt/3lgGNLE
via IFTTT