কোকৰাঝাৰত খাদ্যত বিষক্ৰিয়া হৈ এজনৰ মৃত্যু, গুৰুতৰভাৱে অসুস্থ আন দুজন চিকিৎসাধীন

কোকৰাঝাৰৰ দোতমা বজাৰত সোমবাৰে খাদ্যত বিষক্ৰিয়া ঘটি দশম শ্ৰেণীত অধ্যয়ন কৰি থকা এজন ১৫বছৰীয়া কিশোৰৰ মৃত্যু হোৱাৰ লগতে গুৰুতৰভাৱে অসুস্থ আন দুজন হাস্পাতলত চিকিৎসাধীন হৈ আছে।

মৃত কিশোৰজনক ভূমিহৰ ব্ৰহ্ম বুলি চিনাক্ত কৰা হৈছে। অসুস্থ আন দুজন সত্যজিৎ ব্ৰহ্ম আৰু পৰমেশ্বৰ ব্ৰহ্মক গুৰুতৰ অৱস্থাত বঙাইগাঁৱৰ লৱাৰ আছাম হাস্পাতলত চিকিৎসাৰ বাবে ভৰ্তি কৰোৱা হৈছে।

সূত্ৰসমূহৰ মতে, তিনিওজনে দেওবাৰে সন্ধিয়া দোতমা বজাৰত থকা লাভ্লি ৰেষ্টুৰেন্টত চাওমিন খোৱাৰ পাছতে বমি কৰিবলৈ ধৰে।

তেওঁলোকক প্ৰথমতে দোতমা ৰাজহুৱা স্বাস্থ্য কেন্দ্ৰলৈ লৈ যায় যদিও পাছত কোকৰাঝাৰলৈ নিয়া হয়।

কোকৰাঝাৰৰৰ পৰা তেওঁলোককক লৱাৰ আছাম হাস্পাতললৈ প্ৰেৰণ কৰা হয়।

ভূমিহৰ ব্ৰহ্মৰ সোমবাৰে মৃত্যু হয়।

ইপিনে, গুৰুতৰভাৱে অসুস্থ হৈ পৰা আন দুজনৰ অৱস্থাও সংকটজনক বুলি কোৱা হৈছে।

ইয়াৰ মাজতে, পৰিয়ালৰ লোকে এই সন্দৰ্ভত দোতমা আৰক্ষী থানাত এজাহাৰ দাখিল কৰিছে।

The post কোকৰাঝাৰত খাদ্যত বিষক্ৰিয়া হৈ এজনৰ মৃত্যু, গুৰুতৰভাৱে অসুস্থ আন দুজন চিকিৎসাধীন appeared first on NORTHEAST NOW (Assamese).

from NORTHEAST NOW (Assamese) https://ift.tt/2VxL2EW
via IFTTT