ৰাজ্যৰ চৰকাৰী কৰ্মচাৰীলৈ সুখৱৰ: বিত্ত বিভাগে জাৰি কৰিলে এই নিৰ্দেশনা

সন্মুখত ১৪দিনীয়া লকডাউন আৰু কৰ’না সংৰটৰ মাজতে ৰাজ্যখনৰ চৰকাৰী কৰ্মচাৰীসকলৰ বাবে বিত্ত বিভাগে কঢ়িয়াই আনিছে এক সুখৱৰ।

ৰাজ্যখনৰ চৰকাৰী কৰ্মচাৰীয়ে জুলাইৰ প্ৰথমভাগতে পাব জুন মাহৰ দৰমহা।

অসম চৰকাৰৰ বিত্ত বিভাগে এই সন্দৰ্ভত প্ৰতিখন জিলাৰ কোষাগাৰলৈ ইতিমধ্যে নিৰ্দেশনা জাৰি কৰিছে।

বিত্ত বিভাগৰ নিৰ্দেশনা অনুসৰি, কৰ্মচাৰীৰ জুন মাহৰ দৰমহা, পেন্সনধাৰীসকলৰ পেন্সনকে ধৰি দৰমহাৰ বাহিৰে অনাদায় বিল আদি পাছ কৰিবলৈ কোষাগাৰ সমূহক নিৰ্দেশ দিয়া হৈছে।

বিত্ত বিভাগৰ নিৰ্দেশনা পত্ৰখন।

২৮জনত জাৰি কৰা এই নিৰ্দেশনাত পহিলা জুলাইৰ পৰা বিলসমূহ প্ৰয়োজনীয় পৰীক্ষা সম্পূৰ্ণ কৰি পাছ কৰাৰ বাবে নিৰ্দেশ দিয়া হৈছে।

স্বাভাৱিকতে, বিত্তীয় সংকটৰ বিষয়ে চৰ্চা চলি থকাৰ মাজতে বিত্ত বিভাগৰ এই নিৰ্দেশনাই কৰ্মচাৰীসকলৰ বাবে ভাল খৱৰ বুলি বিবেচিত হৈছে।

The post ৰাজ্যৰ চৰকাৰী কৰ্মচাৰীলৈ সুখৱৰ: বিত্ত বিভাগে জাৰি কৰিলে এই নিৰ্দেশনা appeared first on NORTHEAST NOW (Assamese).

from NORTHEAST NOW (Assamese) https://ift.tt/2Aagp0S
via IFTTT