ক‘ভিড-১৯ পজিটিভ ৰোগীৰ মুক্ত বিচৰণকলৈ শংকিত চিমনাবস্তিৰ ৰাইজ

নগাঁও জিলাৰ কলিয়াবৰ মহকুমাৰ অন্তৰ্গত চিমনাবস্তিৰ এগৰাকী ক‘ভিড-১৯ পজিটিভ ধৰা পৰাৰ লগে লগে চিমনাবস্তিৰ ৰাইজ শংকিত হৈ পৰাৰ লগতে গণ সংক্ৰমনৰ আশংকাত মহকুমাধিপতিক ৰাজহুৱা অভিযোগ দাখিল কৰি ব্যৱস্থা গ্ৰহণৰ দাবী জনায়।

জানিব পৰা মতে তাপস বসু নামৰ লোকজন ক‘ভিড-১৯ পজিটিভ হোৱাৰ পাছতে আতংকিত চিমনাবস্তিবাসী ৰাইজে দেওবাৰে গণ সংক্ৰমণৰ আশংকাত কলিয়াবৰ মহকুমাৰ মহকুমাধিপতি বিতোপন নেওগলৈ ৰাজহুৱা স্বাৰ্থ জড়িত এক আবেদন প্ৰেৰণ কৰে।

জানিব পৰা মতে, স্বাস্থ্য বিভাগৰ লোকে যোৱা ২১ জুলাইত তাপস বসু নামৰ লোকজনৰ স্বাৱ সংগ্ৰহ কৰিছিল আৰু ৰিজাল্ট নহালৈকে লোকজনক হোম কোৱাৰেন্টাইনত থকাৰ পৰামৰ্শ দিছিল৷

উক্ত পৰামৰ্শক অগ্ৰাহ্য কৰি লোকজনে শালনা, চিমনাবস্তী আদি অঞ্চলত মুক্ত বিচৰণ কৰি ফুৰাৰ লগতে নিজৰ ফটোষ্টেটৰ দোকান তথা খাদ্য অসামৰিক যোগান আৰু গ্ৰাহক পৰিক্ৰমা বিভাগৰ অন্তৰ্গত সুলভ মূলৰ দোকানত যোৱা ২১ জুলাইত প্ৰায় দুই শতাধিক হিতাধিকাৰীক নতুন ৰেচন কাৰ্ড যোগান ধৰিছিল৷

২৫ জুলাইত লোকজন ক‘ভিড-১৯ পজিটিভ বুলি ধৰা পৰাৰ লগে লগে গণ সংক্ৰমণৰ আশংকাত স্থানীয় ৰাইজে তাৎক্ষণিক বিহিত ব্যৱস্থা গ্ৰহণৰ বাবে প্ৰশাসনৰ ওচৰত দাবী জনাইছে।

The post ক‘ভিড-১৯ পজিটিভ ৰোগীৰ মুক্ত বিচৰণকলৈ শংকিত চিমনাবস্তিৰ ৰাইজ appeared first on NORTHEAST NOW (Assamese).

from NORTHEAST NOW (Assamese) https://ift.tt/3f2EipF
via IFTTT