মৃত্যুৰ পূৰ্বে সুশান্তৰ একাউণ্টৰ পৰা ১৫ কোটি টকা অন্য একাউণ্টলৈ ট্ৰেঞ্চাফৰ কৰিছিল ৰেহা চক্ৰৱৰ্তীয়ে; পিতৃৰ অভিযোগ

বলিউদৰ সদ্য প্ৰয়াত জনপ্ৰিয় প্ৰতিভাৱান অভিনেতা সুশান্ত সিং ৰাজপুতৰ পিতৃ কে কে সিঙে দাখিল কৰা এজাহাৰত বিস্ফোৰক অভিযোগ উত্থাপন কৰিছে সুশান্তৰ প্ৰেয়সী ৰেহা চক্ৰৱৰ্তীৰ ওপৰত।

কে কে সিঙে এজাহাৰত উল্লেখ কৰা মতে, ৰেহা চক্ৰৱৰ্তীয়ে বিগত এবছৰত তেওঁ চিনি নোপোৱা কোনো অজ্ঞাত ব্যক্তিলৈ সুশান্তৰ একাউণ্টৰ পৰা ১৫ কোটি টকা ট্ৰেঞ্চফাৰ কৰিছে।

কে কে সিঙে এজাহাৰখনত ৰেহা চক্ৰৱৰ্তীয়ে সুশান্তৰ একাউণ্টৰ পৰা কিমান পৰিমাণত ধন অন্য ব্যক্তিলৈ ট্ৰেঞ্চফাৰ কৰিছে অথবা নিজে উলিয়াইছে সেই সম্পৰ্কে তদন্তৰ বাবেও আহ্বান জনায়।

আনহাতে, সুশান্তৰ পিতৃ কে কে সিঙে এজাহাৰখনত ৰেহাই সুশান্তক মানসিকভাৱে চাপত ৰখাৰ কথা উল্লেখ কৰি কয় যে সুশান্তৰ প্ৰাক্তন মেনেজাৰ গৰাকীৰ আত্মহত্যাৰ বিষয়ত ৰেহাই সুশান্তৰ নাম সাঙোৰৰ বাবে চেষ্টা কৰি ব্লেক মেইলিঙ কৰা বুলিও অভিযোগ কৰিছে।

তদুপৰি, সুশান্ত ৰেহাক বহু সময় ধৰি ফোনেৰে যোগাযোগ কৰাৰ বাবে চেষ্টা কৰি আছিল যদিও ৰেহাই সুশান্তৰ ফোন নম্বৰ ব্লক কৰি থৈছিল।

উল্লেখযোগ্য যে, মুম্বাই আৰক্ষীয়ে ইতিমধ্যে সুশান্তৰ মৃত্যু সম্পৰ্কত তদন্ত অব্যাহত ৰাখিছে।

The post মৃত্যুৰ পূৰ্বে সুশান্তৰ একাউণ্টৰ পৰা ১৫ কোটি টকা অন্য একাউণ্টলৈ ট্ৰেঞ্চাফৰ কৰিছিল ৰেহা চক্ৰৱৰ্তীয়ে; পিতৃৰ অভিযোগ appeared first on NORTHEAST NOW (Assamese).

from NORTHEAST NOW (Assamese) https://ift.tt/3f6890l
via IFTTT