বিশ্ববাসীৰ অপেক্ষাৰ অন্ত পৰিব! : আৰু মাত্ৰ দুপ্তাহৰ ভিতৰতে বজাৰলৈ আহিব ক’ৰ’নাৰ ভেকচিন!

বিগত ৮ মাহে ক’ৰ’নাতংকত সন্ত্ৰস্ত হৈ আছে সমগ্ৰ বিশ্ব।

বিশ্বৰ বিভিন্ন দেশৰ চিকিৎসা বিজ্ঞানী আৰু গৱেষকসকলে ক’ৰ’নাৰ প্ৰতিষেধক প্ৰস্তুতৰ বাবে অহৰহ প্ৰচেষ্টা কৰি আহিলেও এতিয়াও আৱিষ্কাৰ হোৱা নাই ইয়াৰ প্ৰতিষেধক।

অৱশ্যে বিশ্বৰ সৰ্ববৃহৎ ভেকচিন প্ৰস্তুতকাৰী ভাৰতীয় প্ৰতিষ্ঠান চেৰাম ইনষ্টিটিউট অৱ ইণ্ডিয়াই অক্সফোৰ্ড বিশ্ববিদ্যালয়ৰ সৈতে প্ৰস্তুত কৰা কোভিডশ্বীল্ড নামৰ প্ৰতিষেধক বিধ দ্বিতীয় পৰ্যায়ৰ হিউমেন ট্ৰায়েলৰ প্ৰস্তুতি পৰ্ব ইতিমধ্যে ভাৰতত আৰম্ভ হৈছে।

চেৰামৰ মতে অহা নৱেম্বৰত কোভিডশ্বীল্ড ভেকচিনবিধ জনসাধাৰণৰ বাবে মুকলি কৰিব পৰা হ’ব পাৰে।

তেনে সময়তে ৰাছিয়াই দাবী কৰিছে যে অহা দুসপ্তাহৰ ভিতৰত বজাৰত ৰাছিয়াই ক’ৰ’নাৰ ভেকচিন মুকলি কৰিব।

ৰুছ সংবাদ মাধ্যমৰ খবৰ অনুসৰি ৰাছিয়াৰ গামেলিয়া ইনষ্টিটিউটে প্ৰস্তুত কৰা এই কোভিড ভেকচিনটো আগষ্ট মাহৰ দ্বিতীয়টো সপ্তাহতে বিশ্বৰ সাধাৰণ মানুহৰ বাবে বজাৰত মুকলি কৰি দিব।

জানিব পৰা মতে ৰাছিয়ান সেনা আৰু চৰকাৰী গৱেষকসকলে প্ৰস্তুত কৰা এই ভেকচিন বিধ দ্বিতীয় পৰ্যায়ৰ ট্ৰায়েল কৰি থকা হৈছে।

অহা ১০ আগষ্টৰ পূৰ্বেই বজাৰত ভেকচিনটো বজাৰত মুকলি কৰিবলৈ প্ৰস্তুতকাৰী প্ৰতিষ্ঠানটোৱে অনমুতি লাভ কৰিব বুলি জানিব পৰা গৈছে।

অনুমোদন লাভ কৰাৰ পিছতে সৰ্বপ্ৰথমে ক’ৰ’না যোদ্ধা তথা স্বাস্থ্য কৰ্মীৰ ওপৰত ভেকচিনটো প্ৰয়োগ কৰা হ’ব বুলি প্ৰকাশ কৰিছে পুটিন প্ৰশাসনে।

ইফালে ৰাছিয়াই ভেকচিনটোৰ তৃতীয় পৰ্ব ট্ৰায়েলৰ বাবে ৮০০ গৰাকী স্বেচ্ছাসেৱক সাজু কৰি ৰাখিছে। তৃতীয় পৰ্বৰ ট্ৰায়েল অহা ৩ আগষ্টত আৰম্ভ কৰাৰ কথা।

তৃতীয় পৰ্ব ট্ৰায়েলৰ পিছত মাত্ৰ সাত দিনৰ ভিতৰত ভেকচিনবিধ কেনেকৈ ৰাছিয়াই বজাৰত মুকলি কৰিব তাকলৈও প্ৰশ্নও উত্থাপন হৈছে।

আনহাতে ৰাছিয়াই ভেকচিনবিধৰ বিজ্ঞানভিত্তিক পৰীক্ষণৰ ডাটা এতিয়াও প্ৰকাশ কৰা নাই বুলিও একাংশই দাবী কৰিছে।

The post বিশ্ববাসীৰ অপেক্ষাৰ অন্ত পৰিব! : আৰু মাত্ৰ দুপ্তাহৰ ভিতৰতে বজাৰলৈ আহিব ক’ৰ’নাৰ ভেকচিন! appeared first on NORTHEAST NOW (Assamese).

from NORTHEAST NOW (Assamese) https://ift.tt/3f60GOY
via IFTTT