কোৱাৰ্টাৰত চাইনীজ টাইপে’ৰ নিয়েন চিন চেনক পৰাস্ত কৰি অলিম্পিকত পদক নিশ্চিত কৰিলে লাভলীনাই

টকিঅ’ অলিম্পিকত ইতিহাস সৃষ্টি কৰি পদক লাভ নিশ্চিত কৰিলে অসম কন্যা বক্সাৰ লাভলীনা বৰগোঁহাইয়ে।

আজি অনুষ্ঠিত কোৱাৰ্টাৰ ফাইনেলৰ খেলখনত লাভলীনাই চাইনীজ টাইপে’ৰ নিয়েন চিন চেনক ৪-১ ব্যৱধানত পৰাজিত কৰি ছেমিফাইনেলত প্ৰৱেশ কৰিছে।

লাভলীনা বৰগোঁহাইয়ে ৬৯ কেজি শাখাত সুন্দৰ প্ৰদৰ্শনেৰে টকিঅ’ত বক্সিঙৰ প্ৰথমটো পদক বিজয় নিশ্চিত কৰিলে।

নিয়েন চিন চেন ২০১৮ৰ বিশ্ব বক্সিং চেম্পিয়ন আৰু ২০১৯ৰ এছিয়ান বক্সিং চেম্পিয়ন আছিল।

উল্লেখ্য যে যোৱা ২৭ জুলাইত অনুষ্ঠিত অলিম্পিকৰ প্ৰি-কোৱৰ্টাৰৰ খেলত জয়লাভ কৰি কোৱাৰ্টাৰ ফাইনেলত প্ৰৱেশ কৰিছিল অসম কন্যা বক্সাৰ লাভলীনা বৰগোঁহাইয়ে।

সিদিনা প্ৰথম ৰাউণ্ডত জাৰ্মানীৰ নাডাইন এপেট’জৰ বিৰুদ্ধে ৰক্ষণাত্মক আৰম্ভণিৰে লাভলীনাই দ্বিতীয় ৰাউণ্ডত সুযোগ অনুসৰি আক্ৰমণাত্মক হৈ উঠিছিল।

প্ৰথম ৰাউণ্ডত তিনিগৰাকী বিচাৰকে ভাৰতীয় বক্সাৰগৰাকীক পক্ষত ৰায় দিয়াৰ বিপৰীতে দুগৰাকী বিচাৰকে জাৰ্মান বক্সাৰগৰাকীৰ পক্ষত ৰায় দিছিল।

দ্বিতীয় ৰাউণ্ডতো একেই দৃশ্য পৰিলক্ষিত হৈছিল। তিনিগৰাকী বিচাৰকে লাভলীনাক আগুৱাই ৰাখিছিল আৰু সেইদৰে তৃতীয় ৰাউণ্ডতো ভাৰতীয় তাৰকা বক্সাৰগৰাকীৰ পক্ষত ৰায় দিছিল তিনিগৰাকী বিচাৰকে।

সকলো মিলি ৩-২ ব্যৱধানত প্ৰি-কোৱাৰ্টাৰৰ মেচখনত বিজয় সাৱ্যস্ত কৰিছিল লাভলীনাই।

প্ৰথমখন মেচত বাই লাভ কৰাৰ পাছত দ্বিতীয়খন মেচত জিকি কোৱাৰ্টাৰ ফাইনেল স্থান নিশ্চিত কৰিছিল লাভলীনাই।

এতিয়া ২৩ বছৰীয়া লাভলীনাই আৰু এখন মেচত জয়লাভ কৰিলেই পদক পোৱাটো নিশ্চত হৈ পৰিব।

The post কোৱাৰ্টাৰত চাইনীজ টাইপে’ৰ নিয়েন চিন চেনক পৰাস্ত কৰি অলিম্পিকত পদক নিশ্চিত কৰিলে লাভলীনাই appeared first on NORTHEAST NOW (Assamese).

from NORTHEAST NOW (Assamese) https://ift.tt/2V240GR
via IFTTT