ভুতৰ ওপৰত দানহ! আকৌ ব্ৰিটেইনত কৰ’নাৰ নতুন ভেৰিয়েন্টৰ সন্ধান; বিয়পিছে ২৬খন দেশলৈ

কৰ’না ভাইৰাছৰ ডেল্টা ভেৰিয়েন্টৰ সংক্ৰমণ ইতিমধ্যে সমগ্ৰ বিশ্বতে ঘটিছে। ইয়াৰ মাজতে ব্ৰিটেইনত সন্ধান পোৱা গৈছে আৰু এটা নতুন ভেৰিয়েন্টৰ।

গৱেষকসকলৰ ভাষাত ইয়াৰ নাম বি ১.৬২১। ব্ৰিটেইনত এতিয়ালৈকে এই ভেৰিয়েন্টৰ দ্বাৰা ১৬জন আক্ৰান্ত হোৱাৰ খৱৰ পোৱা গৈছে।

দেশখনৰ স্বাস্থ্য মন্ত্ৰ্যালয়ে জানিবলৈ দিছে যে গোটেই বিষয়টো এতিয়াও গৱেষণাৰ পৰ্যায়তে আছে।

শেহতীয়াকৈ কোভিড বিধি শিথিল হোৱা তথা বিমান পৰিসেৱাত নিষেধাজ্ঞা তুলি দিয়াৰ বাবেই এই সংক্ৰমণ বিয়পা বুলি অনুমান কৰা হৈছে।

ব্ৰিটেইনৰ স্বাস্থ্য বিভাগৰ সূত্ৰই সদৰী কৰা মতে এই ভেৰিয়েন্টৰ বাবে ৰোগী অধিক অসুস্থ হোৱা বা ৰোগ প্ৰতিৰোধ ক্ষমতা একেবাৰে হ্ৰাস পোৱা তেনেধৰণৰ কোনো প্ৰমান লাভ কৰা হোৱা নাই।

ব্ৰিটেইনৰ উপৰি আমেৰিকা, জাপান, ছুইজাৰলেণ্ড, পৰ্তুগালত এই ভেৰিয়েন্টৰ সন্ধান পোৱা গৈছে।

বিশ্ব স্বাস্থ্য সংস্থাই জানিব দিয়া মতে বি ১.৬২১ ভেৰিয়েন্টৰ যোৱা জানুৱাৰী মাহত প্ৰথম সন্ধান পোৱা গৈছিল কলম্বিয়াত। ইয়াৰ পাছৰে পৰা বিশ্বৰ ২৬খন দেশত এই ভেৰিয়েন্ট বিয়পাৰ খৱৰ পোৱা গৈছে।

The post ভুতৰ ওপৰত দানহ! আকৌ ব্ৰিটেইনত কৰ’নাৰ নতুন ভেৰিয়েন্টৰ সন্ধান; বিয়পিছে ২৬খন দেশলৈ appeared first on NORTHEAST NOW (Assamese).

from NORTHEAST NOW (Assamese) https://ift.tt/3eTj9kk
via IFTTT