ৰাজ্যিক বিজেপিয়ে গঠন কৰা তিনিখন কমিটিত জে পি নাড্ডাৰ অনুমোদন; বিশ্বজিৎ দৈমাৰীৰো স্থান লাভ

অসমৰ ৰাজ্যিক বিজেপিয়ে নতুনকৈ গঠন কৰা তিনিখন কমিটিত অনুমোদন জনাইছে বিজেপিৰ ৰাষ্ট্ৰীয় সভাপতি জে পি নাড্ডাই।

ৰাজ্যিক সভাপতি ৰঞ্জিত কুমাৰ দাসে গঠন কৰা এই কমিটি তিনিখনত ৰাষ্ট্ৰীয় সভাপতিগৰাকীয়ে অনুমোদন জনায়।

নতুনকৈ গঠন কৰা ক’ৰ কমিটিত ১৪জন সদস্য ৰখা হৈছে আৰু তিনিজনক বিশেষ আমন্ত্ৰিত সদস্য হিচাপে ৰখা হৈছে।

নতুনকৈ গঠন কৰা মূল কমিটিখনত আছে ৰাজ্যিক বিজেপিৰ সভাপতি ৰঞ্জিত কুমাৰ দাস, মুখ্যমন্ত্ৰী সৰ্বানন্দ সোণোৱাল, নেডাৰ আহ্বায়ক ড৹ হিমন্ত বিশ্ব শৰ্মা, ৰাষ্ট্ৰীয় সাধাৰণ সম্পাদক দিলীপ শইকীয়া, প্ৰাক্তন ৰাজ্যিক সভাপতি ৰমেন ডেকা, প্ৰাক্তন ৰাজ্যিক সভাপতি ৰাজেন গোঁহাই, প্ৰাক্তন ৰাজ্যিক সভাপতি সিদ্ধাৰ্থ ভট্টাচাৰ্য, লোকসভাৰ সাংসদ কুইন ওজা, মন্ত্ৰী পৰিমল শুক্লবৈদ্য, ৰাজ্যসভাৰ সাংসদ কামাখ্যা প্ৰসাদ তাছা, ৰাজ্যিক সাধাৰণ সম্পাদক ডা: ৰাজদ্বীপ ৰয়, ৰাজ্যসভাৰ প্ৰাক্তন সাংসদ বিশ্বজিৎ দৈমাৰী, প্ৰাক্তন কাৰ্যনিৰ্বাহক সদস্য বিজয় গুপ্তা আৰু ৰাজ্যিক সাংগঠনিক সাধাৰণ সম্পাদক ফণীন্দ্ৰনাথ শৰ্মা।

আনহাতে, কৰ’ কমিটিৰ বিশেষ আমন্ত্ৰিত সদস্য হিচাপে ৰখা হৈছে ৰাষ্ট্ৰীয় উপ সভাপতি তথা অসমৰ প্ৰভাৰী বৈজয়ন্ত জয় পাণ্ডা, সহ: প্ৰভাৰী পৱন শৰ্মা আৰু বিজেপিৰ উত্তৰ পূবৰ সাংগঠনিক সম্পাদক অজয় জামোৱাল।

সেইদৰে, নতুনকৈ ঘোষণা কৰা নিৰ্বাচন কমিটিত আছে ৰাজ্যিক বিজেপিৰ সভাপতি ৰঞ্জিত কুমাৰ দাস,মুখ্যমন্ত্ৰী সৰ্বানন্দ সোণোৱাল, নেডাৰ আহ্বায়ক ড৹ হিমন্ত বিশ্ব শৰ্মা,ৰাষ্ট্ৰীয় সাধাৰণ সম্পাদক দিলীপ শইকীয়া, কেন্দ্ৰীয় মন্ত্ৰী ৰামেশ্বৰ তেলী, মন্ত্ৰী চন্দ্ৰমোহন পাটোৱাৰী, মন্ত্ৰী তথা প্ৰাক্তন ৰাজ্যিক সভাপতি ৰঞ্জিত দত্ত, ৰাজ্যিক সাধাৰণ সম্পাদক ডা: ৰাজদ্বীপ ৰয়, ৰাজ্যসভাৰ প্ৰাক্তন সাংসদ বিশ্বজিৎ দৈমাৰী, মন্ত্ৰী পৰিমল শুক্লবৈদ্য, ৰাজ্যিক সাংগঠনিক সাধাৰণ সম্পাদক ফণীন্দ্ৰনাথ শৰ্মা, ৰাজ্যিক মহিলা মৰ্চাৰ সভানেত্ৰী অপৰাজিতা ভূঞা আৰু কাৰ্যনিৰ্বাহক সদস্য বিমল অছৱাল।

নিৰ্বাচন কমিটিত আমন্ত্ৰিত সদস্য হিচাপে ৰখা হৈছে ৰাষ্ট্ৰীয় উপ সভাপতি তথা অসমৰ প্ৰভাৰী বৈজয়ন্ত জয় পাণ্ডা, সহ: প্ৰভাৰী পৱন শৰ্মা আৰু বিজেপিৰ উত্তৰ পূবৰ সাংগঠনিক সম্পাদক অজয় জামোৱালক।

ইপিনে নতুনকৈ গঠন কৰা ৰাজ্যিক বিজেপিৰ অনুশাসন কমিটিত আছে সঞ্চালক বিজয় গুপ্তা, সদস্য সচিব মিছন ৰঞ্জন দাস, সদস্য বিজন মহাজন, সদস্য শান্তনু ভৰালী আৰু সদস্যা ধীৰা তালুকদাৰ।

The post ৰাজ্যিক বিজেপিয়ে গঠন কৰা তিনিখন কমিটিত জে পি নাড্ডাৰ অনুমোদন; বিশ্বজিৎ দৈমাৰীৰো স্থান লাভ appeared first on NORTHEAST NOW (Assamese).

from NORTHEAST NOW (Assamese) https://ift.tt/3hqLHSA
via IFTTT