কৃষক বিদ্ৰোহৰ চাপ বিজেপিত! আৰু এটা মিত্ৰদলৰ সংগ এৰাৰ ভাবুকি

কৃষকৰ বিক্ষোভে যিমানেই তীব্ৰতা লাভ কৰিছে, সিমানেই শাসকীয় দল বিজেপিৰ ওপৰত চাপ বৃদ্ধি পাইছে। এটা এটাকৈ মিত্ৰজোঁটৰ দলে বিজেপিৰ সৈতে মিত্ৰতা ভংগৰ ভাবুকি দিছে।

ইতিমধ্যে, কৃষি আইনৰ  প্ৰতিবাদত এনডিএৰ পৰা আঁতৰি গৈছে শিৰোমণি আকালি দল। এইবাৰ এনডিএ এৰাৰ ভাবুকি দিছে ৰাজস্থানৰ সাংসদ তথা ৰাষ্ট্ৰীয় লোকতান্ত্ৰিক দলৰ নেতা হনুমান বেনিওৱালে।

তেওঁ কেন্দ্ৰীয় চৰকাৰক দাবী জনাইছে যে কৃষক বিৰোধী আইন তিনিখন প্ৰত্যাহাৰ কৰিব লাগে। কৃষকসকলৰ সৈতে কেন্দ্ৰক শীঘ্ৰে আলোচনাত বহাৰো আহ্বান জনাইছে নেতাগৰাকীয়ে।

এটা টুইটত বেনিওৱালে কৈছে যে সমগ্ৰ দেশতে কৃষকসকলে যেতিয়া বিদ্ৰোহ কৰিছে, তেতিয়া গৃহমন্ত্ৰী অমিত শ্বাহে শীঘ্ৰেই কৃষি আইন তিনিখন প্ৰত্যাহাৰ কৰক।

श्री @AmitShah जी,देश मे चल रहे किसान आंदोलन की भावना को देखते हुए हाल ही में कृषि से सम्बंधित लाये गए 3 बिलों को तत्काल वापिस लिया जाए व स्वामीनाथन आयोग की सम्पूर्ण सिफारिशों को लागू करें व किसानों को दिल्ली में त्वरित वार्ता के लिए उनकी मंशा के अनुरूप उचित स्थान दिया जाए !

— HANUMAN BENIWAL (@hanumanbeniwal) November 30, 2020

বেনিওৱালে স্বামীনাথন কমিছনৰ পৰামৰ্শ কাৰ্যকৰী কৰাৰ বাবেও কেন্দ্ৰক অনুৰোধ জনাইছে।

আন এটা টুইটত বেনিওৱালে ভাবুকি দি কৈছে যে তেওঁৰ দল এনডিএৰ মিত্ৰজোঁটত আছে। কিন্তু দেশৰ শক্তি হৈছে কৃষক আৰু জোৱানসকল। সেয়েহে,এই বিষয়ত শীঘ্ৰে সিদ্ধান্ত ল’ব লাগিব নহ’লে তেওঁৰ দলে এনডিএৰ সৈতে থাকিব নে নাই সেয়া চিন্তা কৰি চাব। এইক্ষেত্ৰত কৃষকৰ স্বাৰ্থ সদায় আগত ৰাখিব লাগিব।

উল্লেখ্য যে যোৱা ৰাজস্থান বিধানসভা নিৰ্বাচনত ৰাষ্ট্ৰীয় লোকতান্ত্ৰিক দলে বিজেপিৰ সৈতে মিত্ৰতা কৰিছিল।

The post কৃষক বিদ্ৰোহৰ চাপ বিজেপিত! আৰু এটা মিত্ৰদলৰ সংগ এৰাৰ ভাবুকি appeared first on NORTHEAST NOW (Assamese).

from NORTHEAST NOW (Assamese) https://ift.tt/3mtISBY
via IFTTT