নিশা বোকাখাতত লোমহৰ্ষক পথ দুৰ্ঘটনা: থিতাতে নিহত এজন

শনিবাৰৰ নিশা বোকাখাতৰ ৩৭ নং ৰাষ্ট্ৰীয় পথত এক ভয়ংকৰ পথ দুৰ্ঘটনা সংঘৰ্টিত হয় ৷ এখন বাঁহ কঢ়িওৱা গাড়ীৰ বাঁহে শেলি নিয়ে পিছৰ এখন গাড়ীৰ হেণ্ডিমেনক ৷ বাঁহৰ খোচত থিতাতে নিহত হয় হেণ্ডিমেনজন।

বোকাখাতৰ ৱাই টু কে ধাবাৰ সমীপত ৩৭ নং ৰাষ্ট্ৰীয় পথত ৰাষ্ট্ৰীয় পথত ৰখাই থোৱা NL 01K 7222 নম্বৰৰ বাঁহ কঢ়িওৱা এখন ট্ৰাকৰ পিছ ফালে খুন্দা মাৰে  চাহপাত কঢ়িওৱা AS 05C 2527 নম্বৰৰ  407 ট্ৰাকখনে।

বাঁহ কঢ়িওৱা ট্ৰাকখনত একে দিশৰ পৰা আহি থকা চাহ পাত কঢ়িওৱা  407 ট্ৰাকখনে খুন্দা মৰাত সন্মুখৰ ট্ৰাকত থকা বাহেঁ শেলি নিয়ে 407 ট্ৰাক খনৰ হেণ্ডিমেন জনক ৷ ফলত থিতাতেই মৃত্যু হয় হেন্ডিমেন জনৰ ৷

জানিব পৰা মতে, 407 ট্ৰাক খনক বিপৰীত দিশৰ পৰা অহা এখন অচিনাক্ত গাড়ীয়ে খুন্দা মৰাৰ ফলত 407 ট্ৰাকখনে নিয়ন্ত্ৰণ হেৰুৱাই বাঁহ কঢ়িওৱা ট্ৰাকৰ পিছফালে খুন্দা মাৰে। যাৰ ফলত এই শোকাবহ ঘটনাতো সংঘৰ্টিত হয়  ৷

ঘটনাৰ পিছতেই চাহপাত কঢ়িওৱা গাড়ীখনৰ চালক ঘটনাস্থলীৰ পৰা পলায়ন কৰাৰ বাবে নিহত হোৱা হেণ্ডিমেনজনৰ নাম জানিব পৰা হোৱা নাই ৷

চাহপাত কঢ়িওৱা গাড়ীখন তিতাবৰৰ পৰা বোকাখাত চাহ ফেক্টৰীলৈ অহা বুলি আৰক্ষীৰ সুত্ৰত প্ৰকাশ ৷

The post নিশা বোকাখাতত লোমহৰ্ষক পথ দুৰ্ঘটনা: থিতাতে নিহত এজন appeared first on NORTHEAST NOW (Assamese).

from NORTHEAST NOW (Assamese) https://ift.tt/3xUduBK
via IFTTT