সাজু হওঁকঃ ৯বজাৰ লগে লগে ঘোষণা হ’ব উচ্চতৰ মাধ্যমিকৰ ফলাফল…

ডিজিটেল ডেস্কঃ পুৱা ৯বজাৰ লগে লগে অসম উচ্চতৰ মাধ্যমিক শিক্ষা সংসদে ১৬টা ৱেবচাইটত প্ৰকাশ কৰিব উচ্চতৰ মাধ্যমিকৰ ফলাফল। ছাত্ৰ-ছাত্ৰীসকলে তেওঁলোকৰ ৰোল নম্বৰ ব্যৱহাৰ কৰি অনলাইনযোগে নিজৰ ফলাফল sebaonline.org, resultsassam.nic.in, results.shiksha, assamresult.in, assamresult.co.in ৱেবচাইটত লাভ কৰিব।

এইবাৰ ১৫ মাৰ্চৰ পৰা ১২ এপ্ৰিললৈ অনুষ্ঠিত হৈছিল উচ্চতৰ মাধ্যমিকৰ পৰীক্ষা। এইবাৰ কলা, বিজ্ঞান, আৰু বাণিজ্য শাখাত সৰ্বমুঠ ৭৯৬টা পৰীক্ষা কেন্দ্ৰত প্ৰায় ২.১৫ লাখ ছাত্ৰ-ছাত্ৰীয়ে পৰীক্ষাত অৱতীৰ্ণ হৈছিল।

বিগত বছৰ উচ্চতৰ মাধ্যমিকৰ বিজ্ঞান শাখাত উত্তীৰ্ণৰ হাৰ আছিল ৯৯.০৬ শতাংশ, কলা শাখাত ৯৮.৯৩ শতাংশ আৰু বাণিজ্য শাখাত ৯৯.৫৭ শতাংশ।

from Asomiya Pratidin – অসমীয়া প্ৰতিদিন | Highest Circulated Assamese News Paper & News Portal https://ift.tt/OubC2oB
via IFTTT